Lærum og leikum með hljóðin gerir samning við 365 Miðla.

Nýlega undirrituðu Bryndís Guðmundsdóttir talmeinafræðingur og Skarphéðinn Guðmundsson dagskrárstjóri samning um að sýna myndefni Lærum og leikum með hljóðin sem hluta af barnaefni á sjónvarpsrásum 365 Miðla. Fyrstu sýningar hefjast haustið 2012 og verður notað myndefni og lifandi tónlist sem Menningarráð Suðurnesja og Samfélagssjóður Landsbankans styrktu. Myndefnið hefur fengið mjög góðar viðtökur hjá börnum, foreldrum og skólum um allt land. Hér er um séríslenskt efni að ræða, með lifandi tónlist, sem er mikilvægt framlag til menningar og undirbúningsfærni barna fyrir hljóðmyndun og lestur. Bryndís Guðmundsdóttir mun fylgja efninu úr hlaði og var m.a. greint frá samningnum á nýafstöðnu námskeiði Lærum og leikum með hljóðin sem var haldið fyrir Fræðsluskrifstofur á Norðurlandi. Myndefni Lærum og leikum með hljóðin verður sýnt í litlum þáttum þar sem færi gefst á að vinna skipulega í samstarfi við skóla og fjölskyldur með hvert og eitt málhljóð. Ýmis ný verkefni eru á döfinni hjá Raddlist sem gefur út og framleiðir Lærum og leikum með hljóðin. Fyrirhuguð er spjaldtölvuútgáfa og útgáfa á nýju efni í hljóðkerfisvitund sem byggir á aðferðafræði Lærum og leikum með hljóðin; Hljóðalestin, auk þess sem útgáfa og rannsóknavinna erlendis er í undirbúningi. Pálmi Guðmundsson framkvæmdastjóri Dagskrársviðs 365 Miðla og Skarphéðinn Guðmundsson dagskrárstjóri sem hér eru með Bryndísi Guðmundsdóttur handsöluðu samninginn hjá 365 Miðlum.

Námskeið L&L á Akureyri

Þann 3. maí síðastliðinn var Bryndís Guðmundsdóttir með námskeið um framburð og hljóðkerfisþætti á Akureyri fyrir leik - og grunnskólakennara á Eyjafjarðarsvæðinu og i Þingeyjarsýslum.

 Efnistök voru tengd námsefninu ,,Lærum og leikum með hljóðin" sem Bryndís er höfundur að. Sérstök áhersla var lögð á að fræða um forsendur hlustunar og hljóðmyndunar og hvernig hægt er að laða fram á einfaldan, skipulagðan og skemmtilegan hátt hljóðmyndun og hljóðkerfisþætti sem undirbúa frekari lestrarfærni. Þá sýndi Bryndís dæmi um fjölbreytilega notkun efnisins í starfi með leik - og grunnskólabörnum, börnum með sérþarfir og nemendum af erlendum uppruna. Námskeiðið var vel sótt af áhugasömum kennurum norðan heiða. Hrafnhildur Sigurðardóttir leikskólafulltrúi á Skólaskrifstofu Akureyrar hafði veg og vanda af undirbúningi námskeiðsins.

 

 

Lærum og leikum á Barnaspítala Hringsins

Við heimsóttum Barnaspítala Hringsins, brugðum á leik, sungum og kynntum efnið allt. Á Barnaspítalanum fer fram einstaklingsmiðuð kennsla sem jafnframt fylgir heimanámi þeirra barna sem þar dvelja. Hver og einn fær að njóta sín við kennslu og leik hjá frábærum kennurum og starfsfólki leikstofunnar sem tekur móti börnunum af glaðværð og natni. Mikið og merkilegt starf fer þar fram og mikilvægt að góð námsgögn séu þar aðgengileg. Vörulína L&L bætist þar nú í safnið á kennslu- og leikstofu spítalans þar sem göfugt starf er unnið á hverjum degi. 

Við þökkum kærlega fyrir frábæra samveru! 

Helga Þórðardóttir, Bryndís Guðmundsdóttir og Dóra Guðrún Kristinsdóttir.

Védís Hervör, Bryndís Guðmundsdóttir, Svanfríður Brianna og Gróa Gunnarsdóttir með litla vinkonu okkar.

Nýárskveðjur frá Lærum og leikum með hljóðin! Þökkum frábært samstarf á árinu og hlökkum til næsta árs með ykkur!

Free picture collage customized with Smilebox

Ný heimasíða!

Við kynnum stolt til leiks nýja heimasíðu okkar www.laerumogleikum.is þar sem framburðarefnið fær að njóta sín ásamt tilheyrandi fróðleik. Kíkið endilega við og deilið áfram ef ykkur líkar!

 

 

L&L teymið

Dagur íslenskrar tungu

Ef þú lest fyrir barnið þitt eða hvetur það til að lesa sjálft í 20 mínútur á dag, heyrir barnið eða les um milljón orð á ári!
Orðaforði barnsins eykst stöðugt og mikilvægur grunnur er lagður að innbyggðri máltilfinningu með réttum beygingum í tali, góðri stafsetningu og ritun.

Átak Barnaheilla ,,Út að borða fyrir börnin" og Lærum og leikum með hljóðin!

 

 

 

Barnaheill, Save the Children á Íslandi, vinna að réttindum og velferð barna á Íslandi og erlendis. Barnasáttmáli Sameinuðu Þjóðanna er leiðarljós samtakanna í öllu þeirra starfi. Helstu áherslur samtakanna hérlendis eru á barnavernd, baráttu gegn ofbeldi á börnum, þátttöku barna og á málefni barna innflytjenda. Helstu áherslur Barnaheilla – Save the Children á Íslandi erlendis eru á menntun barna og neyðaraðstoð. Snemma á þessu ári tóku 15 veitingastaðir á Íslandi þátt í að safna til verkefna er snúa að verndun barna gegn ofbeldi á Íslandi.  ,,Út að borða með börnin" þar sem hluti af seldum réttum á barnamatseðli rann til verkefnisins. Alls söfnuðust 3.759.913 krónur. 

Veitingastaðirnir sem tóku þátt eru:  American Style, Caruso, Dominos, Eldsmiðjan, Greifinn, Hamborgarabúllan, Hamborgarafabrikkan, KFC, Nauthóll, Pítan, Saffran, Serrano, Subway, Taco Bell og Quiznos. 

 

Nú er hafinn undirbúningur að næsta átaki ,,Út að borða fyrir börnin 2012" og vona Barnaheill, Save the Children á Íslandi, að átakinu verði jafn vel tekið hjá veitingastöðum og viðskiptavinum þeirra um allt land.

 

Myndirnar sýna fulltrúa veitingastaðanna afhenda Petrínu Ásgeirsdóttur framkvæmdastjóra Barnaheilla, Save the children á Íslandi, upphæðina sem rennur til verkefna er snúa að verndun barna gegn ofbeldi á Íslandi. Þá má sjá Petrínu Ásgeirsdóttur og Bryndisi Guðmundsdottur talmeinafræðing með borð -listamotturnar sem Lærum og leikum með hljóðin, gaf til verkefnisins.

 

Sem þakklætisvott fengu allir veitingastaðirnir sem tóku þátt í verkefninu borðmottur i fjórum litum og límmiða fra ,,Lærum og leikum með hljóðin".

 

BORÐMOTTURNAR  ERU FRÁBÆR NÝUNG FYRIR HEIMILIN, SKÓLANN OG VEITINGASTAÐINA: koma sér vel við borðhaldið; börnin skoða og læra hljóðin um leið og matast er. Þá er kjörið að nota motturnar undir leir - listavinnu og sem hljóðaspil. Borðmotturnar koma í fjórum líflegum litum og eru úr fallegu vatnsheldu efni sem liggur vel á borði.   

 

 

 

Styrkveiting og N1 kortatilboð í nóvember

Hér í orkuveri L&L er mikið fjör! Bryndís Guðmundsdóttir, talmeinafræðingur og höfundur efnisins, tók við styrkveitingu Landsbankans í gær fyrir Lærum og leikum með hljóðin ásamt fríðum hópi frumkvöðla. 

 

  

 

Fyrr í októbermánuði tók Bryndís einnig við verkefnastyrk frá Menningarráði Suðurnesja en tilgangur þeirra er að styðja við atvinnuskapandi, faglega unnin verkefni sem eiga möguleika á að stækka og skapa atvinnu í nútíð og framtíð. Meðal styrkhafa voru Bryn Ballett Akademían og Listahátíð barna en alls 32 verkefni fengu styrk. Hér má sjá fjölda kátra styrkhafa sem tóku formlega við styrkjunum 8. október síðastliðinn. Nánar um styrkinn hér á vef Víkurfrétta: http://www.vf.is/Frettir/50184/default.aspx

 

 

Styrkirnir eru mikill heiður og viðurkenning fyrir þetta mikilvæga framburðarefni sem er einstakt á Íslandi.   

 

Í nóvembermánuði verður Dvd mynddiskurinn á sérkjörum fyrir N1 korthafa og við minnum á að diskurinn er sérstaklega sniðugur í jólagjafapakkann. Hann hefur fengið frábærar viðtökur og við fáum reglulega hlýjar kveðjur frá foreldrum og fagfólki! Hér má sjá yndislega kveðju sem barst okkur og fengum leyfi til að birta:

,,Ég byrjaði að nota DVD diskinn í síðustu viku og gengur það mjög vel. Krökkunum finnst spennandi og skemmtilegt að æfa sig með diskinum og vilja helst ekki hætta. Biðja alltaf um meira og meira. Þannig að ég segi bara kærar þakkir enn og aftur, diskurinn færði nýtt líf inn í tímana og er einstaklega góður til upprifjunar á hljóðunum

 

Bestu kveðjur

Árdís Hrönn Jónsdóttir M.Ed. leikskólakennari og sérkennslustjóri í Tjarnarseli í Reykjanesbæ.

Fullkomin jólagjöf fyrir barnafjölskyldur!

Hér í höfuðstöðvum L&L er mikil gleði enda rjúka mynddiskarnir nýju út í sölu. Foreldrar hafa sent okkur góðar kveðjur og þakkarbréf og þökkum við kærlega fyrir móttökurnar. Ekkert slíkt barnaefni er til á íslenskri tungu og aðferðarfræðin er óumdeilanlega einstök og skilvirk. Þetta finna allar barnafjölskyldur. Talað er um að framburðarefnið nýtist frá 6 mánaða aldri til allt að 10 ára. Í grunninn er þetta styrkjandi fyrir öll börn, eykur hljóðkerfisvitund, málskilning og leggur grunn að góðri lestrarfærni í framtíðinni. Efnið nýtist jafnframt einstaklega vel börnum og fjölskyldum af erlendum uppruna eða börnum sem eru tvítyngd eða búa erlendis.

Með tilkomu dvd efnisins öðlast hinar sívinsælu bækur L&L nýtt líf og vinirnir Máni og Maja leiða okkur um spennandi heim hljóðanna!

Nánar:

Hreyfimynddiskurinn (DVD) byggir á hinu einstaka framburðarefni Lærum og leikum með hljóðin eftir Bryndísi Guðmundsdóttur, talmeinafræðing. Unnið er með hljóðkerfisvitund og framburð hljóðanna í erfiðleikaröð. Við skemmtilega tónlist birtast táknmyndir á skjáinn fyrir hvert og eitt hljóð eftir aðferðafræði Lærum og leikum með hljóðin. Orðin fljúga svo inn og Máni og Maja í flutningi Felix Bergssonar og Védísar Hervarar Árnadóttur, leiða áhorfandann um heim hljóðanna á lifandi og skemmtilegan hátt. Trickshot ehf. vann grafík og samsetningu og teikningar efnisins eru eftir Búa Kristjánsson og Höllu Sólveigu Þorgeirsdóttur. Tónlist myndefnisins er eftir Védísi Hervöru. Barnakór syngur með og tónlistarflutningur frábærra tónlistarmanna gefur tóninn með taktfastri sveiflu. Með þessari útgáfu er enn aukin fjölbreytni í leiðum til að ná árangri til undirbúnings réttri hljóðmyndun og hljóðkerfisvitund.

Myndefnið fæst í öllum verslunum Pennans Eymundssonar og í skólavörubúðinni A4. Fleiri verslanir taka inn diskinn í nóvember.

http://www.laerumogleikum.blog.is / [e-mail]

Námstefnugleði og spennandi haust framundan

Nú er námstefna Lærum og leikum með hljóðin yfirstaðin og var ansi margt um frábært fagfólk leikskóla og grunnskóla landsins meðal annarra síðastliðinn föstudag.

Frú Vigdís Finnbogadóttir setti námstefnuna með glæsibrag og færði okkur nær stöðu tungumála almennt í heiminum. Bryndís Guðmundsdóttir tók svo við og leiddi okkur um heim hljóðkerfisvitundar og tilurðar framburðarefnisins Lærum og leikum með hljóðin. Það eru nefnilega heilmikil gagnreynd fræði á bak við námsefnið og dásamlegt að það skuli fá jafn mikla viðurkenningu og útbreiðslu og raun ber vitni. 

Sigríður Arnardóttir (Sirrý), fjölmiðlafræðingur með meiru hélt svo hressandi fyrirlestur (ef ekki gjörning) þar sem hún hristi verulega upp í fólki, létti lund og gaf okkur ýmis dæmi um hvernig hægt er að vera fyrirmynd í framkomu. 

Síðari hluti námstefnunnar var tileinkaður því fagfólki sem unnið hefur með efnið inni á leikskólunum. Þar mátti sjá frábæra leiki með hljóðin í tengslum við efnið og alls kyns hugmyndir að því að gera efninu sem best skil. Að lokum var hjartnæmur og hvetjandi fyrirlestur móður sem á unga stúlku í talþjálfun hjá Bryndísi Guðmundsdóttur undir yfirskriftinni ,Að gefast ekki upp'.

Nýjustu vörulínur Lærum og leikum voru kynntar og seldar á námstefnutilboðum en þar ber hæst að nefna hreyfimynddiskinn góða sem talsettur er af Felix Bergssyni og Védísi Hervöru Árnadóttur.

Hér má sjá höfundinn, Bryndísi Guðmundsdóttur, fjalla um Lærum og leikum með hljóðin í frumkvöðlaþætti ÍNN:  http://inntv.is/Horfa_á_þætti/Frumkvöðlar$1316995260

Fylgist með okkur hér og á fésbókinni! Það er svo gaman að læra og leika með hljóðin :)